මේ අවසනාවන්ත පුවත පෙරේදා වාර්තා වුණේ මිහින්තලය ඉලුප්පුකන්නිය ප්‍රදේශයෙන්.
එහිදී බඹර ප්‍රහාරයකට ලක්වූ පුද්ගලයෙකු අවාසනාවන්ත ලෙස ජීවිතක්ෂයට පත්වුණා.
සිය එකොළොස් හැවිරිදි තම එකම පුතු නිවස ඉදිරිපිට මාර්ගයේ පාපැදියෙන් සෙල්ලම් කරමින් සිටින අතර තුර බඹර ප්‍රහාරයකට ලක්ව ඇති අතර පුතාගේ කෑ ගැසීම හේතුවෙන් පියා එහිදී එම ස්ථානයට පැමිණ තිබෙනවා.
එහිදී පියා විසින් බඹර ප්‍රහාරයෙන් සිය පුතාව බේරා ගැනීම සඳහා තම කමිසය ගලවා පුතාව ආරක්ෂා කිරීමට කටයුතු කර ඇති බව සදහන්.
පසුව එක්රැස් වූ ප්‍රදේශවාසීන් එක්ව පියා සහ පුතා යන දෙදෙනාම බඹර ප්‍රහාරයෙන් බේරාගෙන මිහින්තලය ප්‍රාදේශීය රෝහලට ඇතුළත් කිරීමට පියවර ගෙන ඇති අතර එහිදී පියා ජීවිතක්ෂයට පත්ව තිබෙනවා.
එමෙන්ම බඹර ප්‍රහාරයට ලක්වූ පුතා වැඩිදුර ප්‍රතිකාර සඳහා අනුරාධපුර ශික්ෂණ රෝහල වෙත මාරු කර යැවීමටද රෝහල් බලධාරීන් පියවර ගෙන තිබුණා.
මෙම සිද්ධියෙන් අවාසනාවන්ත ලෙස ජීවිතක්ෂයට පත්ව ඇත්තේ ඉලුප්පුකන්නිය ප්‍රදේශයේ පදිංචි 51 හැවිරිදි පුද්ගලයෙක්.
පියා සහ පුතා පමණක් මෙම නිවසේ වාසය කරන අතර මව විදේශගතව සිටින බව සදහන්.
✅✅✅✅✅✅✅