දිගින් දිගටම පැමිණෙන විවිධ පුද්ගලයන්ගේ තර්ජන නිසාවෙන් ඩයගම ප්‍රාදේශීය රෝහලේ වෛද්‍ය නිලධාරිණියන්ට ආරක්‍ෂාවක් නොමැති වීම නිසා පෙරේදා (21) දින සිට ඩයගම ප්‍රාදේශීය රෝහල තාවකාලිකව වසා දැමීමට නුවරඑළිය දිස්ත්‍රික් සෞඛ්‍ය සේවා අධ්‍යක්ෂක කාර්යාලය කටයුතුකර තිබෙනවා.
රෝගීන් සමග බීමතින් පැමිණෙන හිතවතුන් සහ රෝගීන්ගේ සහායකයන් විසින් බැන තර්ජනය කිරීම් සහ මරණීය තර්ජන එල්ල කිරීම් දිගින් දිගටම සිදුවී ඇතිි අතර ඒ සෑම අවස්ථාවකදීම වෛද්‍ය නිලධාරිනියන් විසින් පොලිසිය ආරක්ෂාව ඉල්ලා ඇති නමුත් පොලිසිය ආරක්ෂාව සැපයීමට කිසිදු පියවරක් ගෙන නොමැති බව රෝහල් කාර්ය මණ්ඩලය පවසනවා.
පොලිසිය ආරක්ෂාව තහවුරු කරන දෙන තුරු මෙම රෝහල වසා දමා තබන බවයි වාර්තා වන්නේ.
වෙළෙස රෝහල වසා දැමීමට සිදුවීමේ හේතු පිළිබඳව මාධ්‍ය දැනුවත් කිරීම සඳහා අද (23) සවස නුවරඑළිය දිස්ත්‍රික් සෞඛ්‍ය අධ්‍යක්ෂක්ෂක කාර්යාලය විසින් විශේෂ මාධ්‍ය හමුවක් කැඳවා තිබුණා.
මෙම මාධ්‍ය හමුවේදී අදහස් දක්වමින් රජයේ වෛද්‍ය නිලධාරීන්ගේ සංගමයේ නුවරඑළිය දිස්ත්‍රික් ශාඛා ලේකම් ජගත් දිසානායක සහ ඩයගම ප්‍රාදේශීය ලෝහල් භාර වෛද්‍ය නිළදාරිනි මිනෝෂා වැලිකන්න කියා සිටියේ වෛද්‍ය නිලධාරිනියන්ගේ හා කාර්යමණ්ඩලයේ ආරක්ෂාවට දැඩි ලෙස තර්ජනයක් එල්ල වී ඇති පසුබිමක පොලිසිය විසින් ආරක්ෂාව තර්ක කර දෙනු ඩයගම ප්‍රාදේශීය රෝහල තාවකාලික වසාා දැමීමට කටයුතු කළ බවයි.
✅✅✅✅✅✅